Ukuhamba kwe Alim elilodwa kufaniswa nokulahlekelwa wumhlaba wonke. Ezibonakalisweni ze Qiyamah, yiso lesi sokuthi ulwazi lwe Deen luyoguguleka emhlabeni ngokushona kwama Ulama.
U Hazrat Anas ra uyabika ukuthi u RasuluLLaah SAW wathi : ‘’ Ngempela isibonelo sama Ulama emhlabeni sifana nesibonelo sezinkanyezi okutholakala kuzo ukuholeka ngesikhathi sobumnyama emhlabeni kanjalo nasolwandle. Lapho izinkanyezi zinyamalala, maningi amathuba okuba labo abaholeleke ngokuyikho bachezuke endleni eqondileyo.’’ [ At Targheeb Wat Tarheeb ]
U Hazrat Abu Umamah ra uyabika ukuthi ukuthi ngelinye ilanga kwake kwaphawulwa ngabantu ababili ku Rasulullah SAW; oyedwa wayeyi Aabid [ ikholwa] kanti lona omunye wayeyi Aalim [ umuntu ozigcina ngokufunda nokudlulisa ulwazi nge Islam].
Lapho u Rasulullah SAW wabe esthi ‘’ Ubuhle [ nesikhundla ] se Aalim phezu kwe Aabid kufana nobuhle bami [ nesikhundla sami ] phezu kwalowo ophansi kakhulu phakathi kwenu.’’
Ngemuva kwalokho wabe u Rasulullah SAW esethi: ‘’ Ngempela u Allah Ta’ala [unisela ngomhawu waKhe], kanti nezingelosi zika Allah Ta’ala zonke lezo ezisemazulwini kanye nezisemhlabeni azimi ukwenzela i Duah lowo owabelana [ ngolwazi lwe Deeni ] oluhle kubantu, kangangokuthi ngisho nentuthwane emgodini wayo kanjalo nenhlanzi [olwandle] kumenzela i Duah.’’ [ At Targheeb Wat Tarheeb]
Ukukhombisa uthando, inhlonipho kanjalo nokuhlonipha kuma Ulama ethu nokuzuza ngokukleza embeleni ogwansile wolwazi lwabo, yindlela yokuzuza ngezibusiso ezinkulu empilweni yethu.
Ukuhumusha: O Allah! Ngicela ukuvikeleka ngokuvikeleka kwaKho esijezisweni sakho. Ngicela ukuvikeleka oLakeni lwaKho ngokuJabula kwaKho. Ngicela Ungivikele kuWe. Angsoze ngakudumisa ngeqiniso nangendlela okumele Udunyiswe ngayo. Wena Unjengoba Uzidumisa Wena.
Ukuzila kuka Sha’ban
Ukuzila nganoma yiluphi usuku ku Sha’ban kunemivuzo emihle. Kumele sizimisele ngokuzila ngeMsombuluko kanye nangaboLwezine kanjalo futhi ‘nezinsuku ezimhlophe’ ezi 3- 13,14 kanye nolwe 15 kwanyangazonke kanye nanoma yiluphi olunye usuku.
U Rasulullah SAW wabuzwa ukuthi ‘’ Yikuphi ukuzila okuhle ngale kokuzila kwange Ramadan?’ Waphendula wathi, ‘ Ukuzila kwa Sha’ban ukuhlonipha i Ramadan.’’
[Ibnu Abi Shaybah]
Ukulungiselela i Ramadan
u Sha’ban uletha ithuba lokuthi umuntu akwazi ukudlinza ngempilo yakhe esidlulile, bese ethatha isinqumo esiqinile sokuyiphendula azilungise yena uqobo lwakhe. Thatha isinqumo senhloso eqinile ukwenza i Ramadan ibe yi Ramadan enhle empilweni yakho.
